ის, რაც იწყება დუდლით

– მამა, რა არის დუდლი? – იკითხა ბავშვმა.

– არ ვიცი, შვილო… – უპასუხა მამამ და ფურცელზე დაუფიქრებლად რაღაც მოხაზა.

შემდეგ ცა ჩამობნელდა და გაისმა ხმა ციდან, რომელმაც თქვა: დუდლი არის უაზრო ესკიზი, რომელსაც ადამიანი მაშინ აკეთებს, როცა მისი გონება სხვა რამეზეა გადართული.

უცნობი ავტორი

თავდაპირველად იყო დუდლი, და დუდლი იყო ზოგჯერ სიტყვა, ზოგჯერ კი უბრალოდ იმიჯი, რომელიც შემდეგ ბრენდის ლოგო ხდება. ლოგო კი ადამიანების გონებაში ილექება და საჭირო დროს აქტიურდება, რადგან წვეთი ქვას ხვრეტს არა დაცემის ძალით, არამედ ხშირი დაცემით.

ამბობენ, რომ პომპეის ნანგრევებში აღმოჩენილია კომერციული და პოლიტიკური კამპანიის ამსახველი მესიჯები. იმასაც ამბობენ, რომ ჩინეთში ძირითადად კონვენციურ ლექსს იყენებდნენ, რაიმეს გასაყიდად. თუმცა იმავე ჩინეთში, გადმოცემის თანახმად, ბამბუკის სასულე ინსტრუმენტზე შესრულებული მელოდია ხელს უწყობდა ტკბილეულის გაყიდვას. ეს იყო ინდუსტრიულ რევოლუციამდე. მას შემდეგ ბევ