ახალი დრო, იდეები, ადამიანები.
EN
თეგები: #ბავშვები

უნდა ვუთხრათ თუ არა ბავშვს, რომ მსუქანია?

არა
  • შეიძლება ბავშვს თვითშეფასება დაუვარდეს და ტრავმა მერე მთელი ცხოვრება გაჰყვეს.
  • სრულყოფილი სხეული არავისა აქვს და არ არის საჭირო მედიის შექმნილი სტერეოტიპები ბავშვს კიდევ მშობელმა გაუმყაროს.
  • არა, მართლა. ვინ დააწესა, რომ აუცილებლად გამხდარია ლამაზი?
  • სხეული პიროვნებას არ განსაზღვრავს და სხეულის ფორმებზე ხაზის გასმით ბავშვს მთელი ცხოვრება არასწორი წარმოდგენა გაჰყვება იმაზე, თუ რა არის მნიშვნელოვანი და რა ‒ არა.
  • მაქედან მოდის სხვადასხვანაირი კვებითი აშლილობები, რაც ძალიან სერიოზული საქმეა. ანორექსიით და ბულიმიით მსოფლიოში მილიონობით ადამიანი იტანჯება. იტანჯება კი არა, ზოგჯერ ლეტალური შედეგითაც კი მთავრდება.
კი
  • თავშეკავებას და ზომიერებას ადამიანი ბავშვობიდანვე უნდა მიეჩვიოს.
  • მართალია, სილამაზე პირობითია, მაგრამ ტყუილად არ არის, რომ მსუქანი მახინჯად ითვლება.
  • არა, მართლა. წონა და ჯანსაღი ცხოვრება პირდაპირ კავშირშია ერთმანეთთან.
  • „ლამაზ სხეულში ლამაზი სული“ ჯერ არავის გაუუქმებია.
  • ჭარბი წონა და ამით გამოწვეული დაავადებები ამერიკაში სიკვდილიანობის მთავარი მიზეზია. ასე რომ, ჯობს ბავშვობაში გაიჭირვოს და ნაკლების ჭამა ისწავლოს. თვითშეფასება დაუვარდება? არა უშავს, სამაგიეროდ, მეტხანს იცოცხლებს.

 

შენი დახმარებით კიდევ უფრო მეტი მაღალი ხარისხის მასალის შექმნას შევძლებთ გამოწერა