საქართველოს სტუმართმოყვარეობა ახალ ეტაპზე გადადის

Betterfly I DDB

Maia Odishelidze

+995 595 905 211

hi@workfromgeorgia.com

ქართული კომპანიები საკუთარ სამუშაო სივრცეებში მოგზაურებს

მსოფლიოს სხვადასხვა კუთხიდან ეპატიჟებიან 

[თბილისი, საქართველო, 8 ივლისი, 2019] ახალი წამოწყება საქართველოში - workfromgeorgia პირველი ვირტუალური პლატფორმაა digital nomads-ისთვის - ადამიანებისთვის, რომლებიც მოგზაურობენ და ამავდროულად მუშაობენ, სამუშაო სივრცის უფასოდ გასაზიარებლად. პროექტი უკვე აქტიურია და მზადაა დაარეგისტრიროს, როგორც მოგზაურები ასევე ქართულ ბაზარზე არსებული კომპანიებიც. ამ პლატფორმის მთავარი მიზანია, digital nomads-თვის შექმნილი ქსელის დახმარებით, ქართული ტურიზმის განვითარება.

პროექტის ერთ-ერთი თანადამფუძნებელი გვიყვება თუ როგორ დაიბადა ეს იდეა “მოცემულ სიტუაციაში, როგორც ყველა ქართველი, ჩვენც ვფიქრობდით, თუ რა ხერხით შეგვეძლო ტურიზმის მხარდაჭერა. იდეა კი ჩვენი სამიზნე აუდიტორიისგან - ტურისტებისგან გაჩნდა. აღმოვაჩინეთ, რომ ტურისტების ერთ-ერთი სეგმენტი, ე.წ. Digital Nomads მოგზაურების სწრაფად მზარდი ჯგუფია. წარმოიშვა კითხვა, რატომ არ უნდა დავპატიჟოთ ეს ადამიანები ჩვენ სააგენტოში? კარგი ამბავი ის არის, რომ ამ ყველაფრის გაკეთება ახლა შეგვიძლია, ცუდი ამბავი კი თავისუფალი ადგილების სიმცირეა. ხოლო საუკეთესო ისაა, რომ ძალიან ბევრი მეგობარი გვყავს, ერთად დგომით კი ასობით და ათასობით სტუმრის გამასპინძლებას შევძლებთ.

ვირტუალური, საერთო სამუშაო სივრცე www.workfromgeorgia.com სრულიად უფასო პლატფორმაა, სადაც ნებისმიერი კომპანია, მცირე სტარტ-აპიდან დაწყებული, დიდი კორპორაციით დამთავრებული შეძლებს მასპინძლად დარეგისტრირებას. ყველა მოგზაური, ნებისმიერი ქვეყნიდან შეძლებს სამუშაო ადგილის დაჯავშნას და ჩვენთან დარჩენას. ეს იდეა მჭიდრო ბმაშია იმ სურვილებთან, რაც digital nomads აქვთ - მთელი წლის განმავლობაში მსოფლიოში მოგზაურობა.

ეს წამოწყება, იდეალურია მოგზაურთა ამ ჯგუფისთვის, რადგან ეს ადამიანები აღარ ეძებენ ტრადიციულ ტურისტულ გამოცდილებას, არამედ ცდილობენ მიიღონ რაც შეიძლება ავთენტური გამოცდილება.

ინიციატივა - workfromgeorgia-ს მთელი მშვენიერებაც იმაშია, რომ ყველას შეუძლია მონაწილეობის მიღება. საქართველოს ბაზარზე არსებული კომპანიები სწორედ იმას გააკეთებენ რაც ქართველებს ყველაზე კარგად გამოსდით: კარს გაუღებენ და თავიანთ ოფისებში მოიპატიჟებენ სტუმრებს მსოფლიოს სხვადასხვა ქვეყნიდან. მედია, ბლოგერები, ინფლუენსერები შემოგვიერთდებიან და ინფორმაციის გავრცელებაში დაგვეხმარებიან. გაერთიანებული ძალებით, საქართველო სტუმართმოყვარეობას საერთოდ ახალ სტადიაზე აიყვანს.

კომპანიები რომლებიც შემოუერთდნენ workfromgeorgia-ს: Leavingstone, Betterfly DDB, Windfor’s, Holmes & Watson, Saatchi & Saatchi, Mr. Wolf, Kraken, McCann, Elliot, BRID, JWT Metro, Gepra, ABK, GITA, Pop Media, Advertwise, Living Roots, Noblet Media.

ინიციატივას მხარს უჭერს საქართველოს ტურიზმის ეროვნული ადმინისტრაცია.

განსაკუთრებული მადლობა Influence Georgia კომუნიკაციის ნაწილის მხარდაჭერისთვის.

www.workfromgeorgia.com

დამატებითი ინფორმაციის მისაღებად ან ინიციატივაში მონაწილეობის სურვილის შემთხვევაში, დაუკავშირდით მაია ოდიშელიძეს +995 595 905 211 hi@workfromgeorgia.com