ევროპული კინოტური თბილისში | 15-20 სექტემბერი

15-20 სექტემბერს ევროკავშირის წარმომადგენლობა საქართველოში ილიას სახელმწიფო უნივერსიტეტში ევროპულ კინოტურს უმასპინძლებს.

საქართველოში ევროკავშირის წარმომადგენლობის ინიციატივით, ევროპული კინოტური მაყურებელს ევროპული და ქართული კინოს ჯილდოების მფლობელ ფილმებს სთავაზობს. ევროპული კინოტური ევროპული და ქართული კინოს მრავალფეროვანი გამოცდილების გაზიარებასა და კულტურებს შორის დიალოგის ხელშეწყობას ემსახურება. ფილმების საშუალებით, მაყურებელს შესაძლებლობა ეძლევა, გაეცნოს თანამედროვე ევროპულ და ქართულ კინემატოგრაფიას, აღმოაჩინოს ახალი ისტორიები და გაიცნოს განსხვავებული ხედვები და შემოქმედებითი ხმები.

ინიციატივა ხორციელდება Cineuropa-ს, LUX Audience Award-ის, კინოხელოვნების ცენტრ „პრომეთეს“, თანამედროვე კინოს მუზეუმის, თბილისის საერთაშორისო ლიტერატურული ფესტივალისა და ქუთაისის საერთაშორისო მოკლემეტრაჟიანი ფილმების ფესტივალის პარტნიორობით.

მნიშვნელოვანი ინფორმაცია

ილიას სახელმწიფო უნივერსიტეტი, T კორპუსი, აუდიტორია 102; ილია ჭავჭავაძის გამზირი 45, თბილისი.

დასწრება თავისუფალია. ფილმები ნაჩვენები იქნება ორიგინალ ენაზე სუბტიტრებით.

ადგილების რაოდენობა შეზღუდულია, ბილეთები ნუმერაციის გარეშეა. გთხოვთ, წინასწარ დაჯავშნოთ ადგილი ამ ბმულზე. 

კინო ჩვენებების განრიგი თბილისში