1. პერსონალურ მონაცემთა დაცვის პოლიტიკა
ინდიგოს მიზანია ქვეყანაში ღია საზოგადოების პრინციპების დამკვიდრების ხელშეწყობა, უწყვეტი განათლების წახალისება, ასევე სოციალური ცვლილებების მიღწევა მედია - საგანმანათლებლო, სამეცნიერო და სახელოვნებო პროექტების გზით.
სიტყვისა და გამოხატვის თავისუფლების პარალელურად, ადამიანის პირადი ცხოვრებისა და პერსონალურ მონაცემთა დაცვა ინდიგოს, როგორც მედიასაშუალების სარედაქციო პოლიტიკის ნაწილია. რესპონდენტების, ვებსაიტის ვიზიტორების, აპლიკაციის მომხმარებლებისა თუ სხვა პირების პერსონალური მონაცემების დამუშავებისას ვიცავთ როგორც საქართველოში არსებულ კანონმდებლობას, ასევე, პროფესიულ და ეთიკურ სტანდარტებს.
ამ უფლებების პატივისცემის ნიშნად პერსონალურ მონაცემთა დაცვის ეს პოლიტიკა მიზნად ისახავს, მოგაწოდოთ ინფორმაცია, თუ როგორ ვამუშავებთ თქვენ პერსონალურ მონაცემებს, მათ შორის, ჩვენი ვებრესურსების და მობილური აპლიკაციის გამოყენების დროს და რა უფლებებით სარგებლობთ ამ პროცესში.
ინდიგომ შეიძლება დაამუშაოს თქვენი პერსონალური მონაცემები იმ შემთხვევაში, თუ თქვენ:
- სტუმრობთ ინდიგოს ვებსაიტს https://indigo.com.ge/;
- იყენებთ ინდიგოს მობილურ აპლიკაციას;
- ვებსაიტის ან მობილური აპლიკაციის მეშვეობით რეგისტრირდებით მომხმარებლად;
- იწერთ ჩვენს ჟურნალს ან ონლაინ მაღაზიაში განთავსებულ ნივთებს;
- ხართ ჩვენი რესპონდენტი;
- ესწრებით ან გეგმავთ ჩვენს ღონისძიებებსა და ტრენინგებზე დასწრებას;
- ხართ ჩვენი სიახლეების გამომწერი ან/და ელექტრონული ფოსტით ან სოციალური ქსელების საშუალებით მოგვმართავთ სხვადასხვა საკითხზე;
- ხართ ინდიგოს ავტორი, დასაქმებული, სტაჟიორი ან სხვა ფორმით თანამშრომლობთ ჩვენთან.
რა ინფორმაციას ვაგროვებთ და რა მიზნით?
ჩვენ მიერ შეგროვებული და დამუშავებული მონაცემების კატეგორია და მოცულობა დამოკიდებულია იმაზე, თუ რა ურთიერთობაში ხართ ინდიგოსთან და შესაბამისად, რა მიზნით მუშავდება თქვენი მონაცემები:
- ვებსაიტის/აპლიკაციის მომხმარებლების და გამომწერების შესახებ ინფორმაციას ვამუშავებთ მომხმარებლებისთვის პერსონალური კაბინეტის შექმნელად, ჩვენი მასალების, მათ შორის, პერსონალიზებული პროდუქტების მიწოდებისთვის; ჟურნალისა და ონლაინ მაღაზიაში შეთავაზებული ნივთების გამოწერის ადმინისტრირებისთვის და მათი მიწოდების მიზნით; ასევე იმისთვის, რომ ჩვენი სიახლეების შესახებ მიიღოთ ინფორმაცია.
ვებსაიტსა და მობილურ აპლიკაციაში რეგისტრაციისას უშუალოდ თქვენგან გროვდება: სახელი, გვარი; ელ.ფოსტის მისამართი; ტელეფონის ნომერი; მომხმარებლის პაროლი, რომელსაც ჩვენ ვერ ვხედავთ.
ჟურნალის ან ონლაინ მაღაზიაში შეთავაზებული ნივთის გამოწერის/შეკვეთის შემთხვევაში, დამატებით მუშავდება: შეკვეთის მიწოდების ადგილი - მისამართი და დამატებითი ინფორმაცია მიწოდების ადგილის/ დროის შესახებ.
გამომწერის შესახებ ავტომატურად გენერირდება შემდეგი ინფორმაცია: გამოწერის/შეკვეთების ისტორია (პაკეტის სახელი, აქტივაციის თარიღი, დასრულების თარიღი, ფასი, დარჩენილი დღეების რაოდენობა, გამოწერის სტატუსი).
ინდიგოს ვებსაიტსა და მობილურ აპლიკაციაში ჟურნალის/ნივთის გამოწერისას საბანკო ტრანზაქცია ხორციელდება TBC ბანკის მეშვეობით. თქვენი ბარათის მონაცემები ჩვენთვის ხელმიუწვდომელია, შესაბამისად, ამ მონაცემებს არ ვინახავთ.
მობილურ აპლიკაციაში მომხმარებლის მიერ აპლიკაციით სარგებლობის შესახებ დამატებით მუშავდება: ინფორმაცია მომხმარებლის ფავორიტი კატეგორიების და ინტერესის სფეროების შესახებ, გამოყენებული ენა, აპლიკაციის მეშვეობით შეტყობინების მიღების შესაძლებლობა, შეტყობინების მიღების სასურველი პერიოდი. მომხმარებლის მიერ შექმნილი საქაღალდეების და შენახული სტატიების შესახებ ინფორმაცია.
მომხმარებლის პროფილში ასახული მონაცემების განახლება ნებისმიერ დროს არის შესაძლებელი. ამასთან, შესაძლებელია მომხმარებლის პროფილის და შესაბამისი მონაცემების წაშლა.
მონაცემების დამუშავების სამართლებრივი საფუძველია: თქვენი თანხმობა; თქვენთვის მომსახურების გასაწევად მონაცემების დამუშავების აუცილებლობა; თქვენთან დადებული ხელშეკრულებით ნაკისრი ვალდებულების შესრულება/თქვენი მოთხოვნით ხელშეკრულების დადება.
ინდიგოს სიახლეების გამოწერა - ვებგვერდზე/აპლიკაციაში რეგისტრაციის პარალელურად, თქვენ შეგიძლიათ გამოიწეროთ ინდიგოს სიახლეები, მათ შორის, ინდიგოს შეთავაზებების, ფასდაკლებების, აქტივობების, დაგეგმილი ღონისძიებების შესახებ ინფორმაცია. ამ მიზნით, თქვენი მონაცემების დამუშავება ნებაყოფლობითია, ეფუძნება მხოლოდ თქვენს თანხმობას და მასზე უარის თქმა არ გამოიწვევს ინდიგოს ვებსაიტით/აპლიკაციით სარგებლობის შეზღუდვას.
ასეთ დროს შესაძლოა დამუშავდეს თქვენი სახელი, გვარი და საკონტაქტო ინფორმაცია (ელ. ფოსტა, ტელეფონის ნომერი). თქვენ უფლება გაქვთ, ნებისმიერ დროს გაითხოვოთ თქვენი თანხმობა და უარი თქვათ ამ მიზნით თქვენი მონაცემების შემდგომ დამუშავებაზე იმავე ფორმით, რა ფორმითაც მოგივათ შეტყობინება ან/და ჩვენს ელ. ფოსტაზე info@indigo.com.ge შესაბამისი მოთხოვნის დაფიქსირებით.
თქვენი უარის მიღებიდან არაუგვიანეს 7 (შვიდი) სამუშაო დღის ვადაში, ჩვენ შევწყვეტთ თქვენი მონაცემების გამოყენებას. ამის მიუხედავად, ინდიგომ შესაძლოა განაგრძოს თქვენი მონაცემების დამუშავება სხვა მიზნებით, მაგალითად, გამოწერილი ჟურნალის მოსაწოდებლად, კანონმდებლობით გათვალისწინებული ვალდებულების შესასრულებლად და ა.შ.
მზა-ჩანაწერების დამუშავება
ინდიგოს ვებგვერდი იყენებს Cookies (ე.წ. მზა-ჩანაწერები) იმ მიზნით, რომ უზრუნველყოს ვებგვერდზე ვიზიტორების საუკეთესო გამოცდილების მიღება. დეტალური ინფორმაცია მზა-ჩანაწერების შესახებ იხილეთ „მზა-ჩანაწერების პოლიტიკაში.“
- ღონისძიებებზე და ტრენინგებზე დამსწრე პირების შესახებ ინფორმაციას ვამუშავებთ საგანმანათლებლო საქმიანობის განხორციელების, პროექტული აქტივობის განხორციელების, ღონისძიების ჩატარების დადასტურების, თვითრეგულირების ორგანოში საჭიროებისამებრ წარდგენის ან/და ღონისძიების შესახებ ინფორმაციის გაშუქების მიზნებით.
ღონისძიებაზე დამსწრე პირებისგან გროვდება: სახელი, გვარი; ტელეფონის ნომერი; სქესი (სტატისტიკის მიზნებისთვის); ხელმოწერა; ღონისძიების დასახელება, ადგილი, თარიღი; ღონისძიების მიმდინარეობის ამსახველი ფოტო-ვიდეო მასალა.
არასრულწლოვნების პერსონალური მონაცემების დამუშავებისას, ინდიგო ხელმძღვანელობს მათი საუკეთესო ინტერესების გათვალისწინებით. 16 წლამდე ასაკის არასრულწლოვნის შემთხვევაში თანხმობას მოვიპოვებთ მისი მშობლის ან სხვა კანონიერი წარმომადგენლისგან, ხოლო 16 წლის ასაკიდან მონაცემების დამუშავება შესაძლებელია თავად არასრულწლოვნის თანხმობის შემთხვევაშიც. თუ მონაცემთა დამუშავება საფრთხეს შეუქმნის ან ზიანს მიაყენებს არასრულწლოვნის საუკეთესო ინტერესებს, თანხმობის მიუხედავად, ინდიგო მის მონაცემებს არ დაამუშავებს.
მონაცემების დამუშავების სამართლებრივი საფუძველია: თქვენი თანხმობა; თქვენთვის მომსახურების გასაწევად მონაცემების დამუშავების აუცილებლობა; ინდიგოს მნიშვნელოვანი ლეგიტიმური ინტერესების დაცვა.
- ავტორების, დასაქმებული პირების, სტაჟიორების ან სხვა ფორმით მოთანამშრომლე პირების შესახებ ინფორმაციას ვამუშავებთ ადმინისტრაციული და სამართლებრივი მიზნებით, მაგალითად, გაწეული მომსახურების/შრომის ანაზღაურების, სტაჟიორების შერჩევის, შესაბამისი საკანონმდებლო და სახელშეკრულებო ვალდებულების შესრულების მიზნით.
უშუალოდ ასეთი პირებისგან შეიძლება შეგროვდეს: სახელი, გვარი; პირადი ნომერი/პირადობის მოწმობის ასლი; საკონტაქტო ინფორმაცია; საბანკო ანგარიშის რეკვიზიტები; ავტობიოგრაფია; პორტფოლიოს შესახებ ინფორმაცია; გადამხდელის სტატუსი; საპენსიო სქემაში მონაწილეობის შესახებ ინფორმაცია.
ჩვენს მიერ დამატებით მუშავდება: ანაზღაურების ოდენობა; ნამუშევარი დროის შესახებ ინფორმაცია; მივლინებების და შვებულებების შესახებ ინფორმაცია და სხვ.
მონაცემების დამუშავების სამართლებრივი საფუძველია: თქვენი თანხმობა; თქვენთვის მომსახურების გასაწევად მონაცემების დამუშავების აუცილებლობა; თქვენთან დადებული ხელშეკრულებით ნაკისრი ვალდებულების შესრულება/თქვენი მოთხოვნით ხელშეკრულების დადება; ინდიგოსთვის კანონმდებლობით დაკისრებული მოვალეობის შესრულება და მნიშვნელოვანი ლეგიტიმური ინტერესების დაცვა.
- რესპონდენტების შესახებ ინფორმაცია, მათ შორის, მათთან ინტერვიუს ტრანსკრიპტი, აუდიოჩანაწერი, ფოტო-ვიდეომასალა მუშავდება ჟურნალისტური საქმიანობის განხორციელების, ასევე, სახელოვნებო და ლიტერატურული მიზნებით.
მიუხედავად იმისა, რომ აღნიშნული მიზნებით პერსონალური მონაცემების დამუშავებაზე მონაცემთა დაცვის მარეგულირებელი კანონმდებლობა არ ვრცელდება ან შეზღუდულად ვრცელდება, ინდიგო პასუხისმგებლობით ეკიდება რესპონდენტების პირადი ცხოვრებისა და პერსონალური მონაცემების დაცვის უფლებებს, იცავს ამ სფეროში დადგენილ პროფესიულ და ეთიკურ სტანდარტებს და ეს ჩვენი სარედაქციო პოლიტიკის ნაწილია.
როგორ ვიცავთ მონაცემთა უსაფრთხოებას?
ინდიგოში არსებული ორგანიზაციული და ტექნიკური ზომები უზრუნველყოფს პერსონალური მონაცემების დაცვას შემთხვევითი ან უკანონო განადგურებისგან, შეცვლისაგან, გამჟღავნებისგან, მოპოვებისგან, ნებისმიერი სხვა ფორმით უკანონო გამოყენებისა და შემთხვევითი ან უკანონო დაკარგვისაგან.
ინდიგო იცავს მის ხელთ არსებულ ელექტრონულ და მატერიალურ რესურსებს და ოფისის უსაფრთხოებას შესაძლო საფრთხეების და რისკების ადეკვატური ფიზიკური, ორგანიზაციული, ელექტორონული და პროცედურული კონტროლის მექანიზმებითა და საშუალებებით.
ინდიგოში დაცულ პერსონალურ მონაცემებზე წვდომა შეზღუდულია პირთა უფლებამოსილების შესაბამისად. მონაცემთა ბაზებზე წვდომისას, თითოეული პირი იყენებს ინდივიდუალურ მომხმარებელსა და პაროლს. თანამშრომლების კომპიუტერები, თავის მხრივ, დაცულია პაროლით.
მესამე პირებისგან მომსახურების გაწევის ფარგლებში მონაცემების დამუშავებისას, ინდიგო მონაცემების უსაფრთხოებას უზრუნველყოფს კონფიდენციალობის დაცვის შესახებ შესაბამისი სახელშეკრულებო გარანტიებით.
რა ვადით ვინახავთ მონაცემებს?
პერსონალური მონაცემების დამუშავების ყველა პროცესთან დაკავშირებით ინდიგოს განსაზღვრული აქვს შესაბამისი კანონიერი მიზანი, მონაცემების დამუშავების საჭიროება და სამართლებრივი საფუძველი. აღნიშნულის და კანონმდებლობით დადგენილი მოთხოვნების გათვალისწინებით, ინდიგოში დადგენილია პერსონალური მონაცემების შემცველი ინფორმაციის და დოკუმენტაციის შენახვის ვადები, რის შემდგომაც ხდება მონაცემების წაშლა, განადგურება ან მხოლოდ დეპერსონალიზებული ფორმით შენახვა.
ვის შეიძლება გაუზიარდეს მონაცემები?
ჟურნალისტური საქმიანობის განხორციელების, ასევე, სახელოვნებო და ლიტერატურული მიზნებით დამუშავებული და გამოყენებული ინფორმაცია, რომელიც დაცულია ინდიგოში ან განთავსებულია ინდიგოს ვებრესურსებზე, საჯაროდ ხელმისაწვდომია.
სხვა შემთხვევებში, ინდიგოში დაცული მონაცემების მიმღები შეიძლება იყვნენ კერძო და საჯარო დაწესებულებები, ასევე, ფიზიკური პირები, მხოლოდ კანონმდებლობით დადგენილ შემთხვევებში და წესით. ასეთ დროს მონაცემები ზიარდება მხოლოდ საჭირო მოცულობით. მაგალითად:
- სხვადასხვა მომსახურების გამწევი პირები - საფოსტო და საკურიერო ორგანიზაციები, IT სერვისის და ელექტრონული სისტემების/პროგრამების მომწოდებლები ან/და სხვა მომსახურების გამწევი პირები, შესაბამისი მომსახურების გაწევის ფარგლებში, ვისთანაც გაფორმებული გვაქვს შესაბამისი ხელშეკრულება, რომელიც ითვალისწინებს ვალდებულებებსა და პასუხისმგებლობებს მონაცემთა კონფიდენციალურობისა და უსაფრთხოების უზრუნველსაყოფად;
- დონორი ორგანიზაციები - ანგარიშგების და პროექტის ეფექტიანი დაგეგმვა/განხორციელების მიზნით;
- უფლებამოსილი სახელმწიფო ორგანოები - სსიპ - შემოსავლების სამსახური, სსიპ - საპენსიო სააგენტო, საგადასახადო და საპენსიო კანონმდებლობის ფარგლებში.
თქვენი უფლებები
პირს, რომლის შესახებაც ვამუშავებთ პერსონალურ მონაცემებს, უფლება აქვს: მოითხოვოს მის შესახებ მონაცემების დამუშავების თაობაზე ინფორმაციის გაცნობა; მოითხოვოს მის შესახებ ინდიგოში დაცული მონაცემების გაცნობა და მათი ასლების უსასყიდლოდ მიღება; მოითხოვოს მის შესახებ მონაცემების გასწორება, შევსება, დაბლოკვა, წაშლა, განადგურება ან დამუშავების შეწყვეტა თუ ისინი მცდარია, არაზუსტია, არასრულია, არ არის განახლებული ან თუ მათი შეგროვება და დამუშავება განხორციელდა კანონის საწინააღმდეგოდ; ისარგებლოს მონაცემთა გადატანის უფლებით - სტრუქტურიზებული, საზოგადოდ გამოყენებადი და მანქანურად წაკითხვადი ფორმატით მონაცემების მონაცემთა სუბიექტისთვის ან სხვა დამუშავებისთვის პასუხისმგებელი პირისთვის გადაცემა, სადაც ეს ტექნიკურად შესაძლებელია; მოითხოვოს მის შესახებ მონაცემების დამუშავების შეწყვეტა ან/და განადგურება, თუ ისინი მუშავდება მხოლოდ მისი თანხმობის საფუძველზე და არ არსებობს მონაცემების დამუშავების სხვა საფუძველი.
ასეთი მოთხოვნის დაყენება შესაძლებელია ნებისმიერ დროს კომუნიკაციის შემდეგი საშუალებებით:
- ელ-ფოსტა: info@indigo.com.ge
- წერილობითი შეტყობინებისთვის: იაკობ გოგებაშვილის ქუჩა 38, თბილისი.
ინდიგო ვალდებულია, მონაცემთა სუბიექტის მოთხოვნის მიღებიდან 10 (ათი) სამუშაო დღის ვადაში, კანონმდებლობის შესაბამისად მოახდინოს რეგირება მოთხოვნაზე: გაასწოროს, განაახლოს, დაამატოს, დაბლოკოს, წაშალოს ან გაანადგუროს მონაცემები ან მონაცემთა სუბიექტს აცნობოს უარის თქმის საფუძველი.
ინდიგოს მიერ პერსონალური მონაცემების დამუშავების კანონიერება შესაძლოა ასევე გასაჩივრდეს პერსონალურ მონაცემთა დაცვის სამსახურში ან/და სასამართლოში.
პოლიტიკაში ცვლილების შეტანის წესი
ინდიგო იტოვებს უფლებას, საჭიროებისამებრ განაახლოს ეს დოკუმენტი, რის შესახებაც გეცნობებათ ჩვენი ვებგვერდის მეშვეობით.
2. პროდუქტის მიწოდების პოლიტიკა
ონლაინ შეძენილი პროდუქციის მიწოდება შესაძლებელია საქართველოს ფარგლებში. მიწოდების სერვისით სარგებლობა ფასიანია, რაც მითითებულია იქნება ყოველი კონკრეტული ნივთის ყიდვის შემთხვევაში.
შეძენილ პროდუქტს მომხმარებელი მიიღებს 3-5 დღის ვადაში. მიწოდების დრო თანხმდება მყიდველთან. თუ აღნიშნულ დროს მყიდველი არ იქნება მის მიერ მითითებულ მისამართზე კომპანია ნივთს აბრუნებს ინდიგოს რედაქციაში მისამართზე: იაკობ გოგებაშვილის N38. მყიდველი ვალდებულია სწორედ ამ მისამართიდან გაიტანოს შეძენილი ნივთი.
ჟურნალის წლიური გამოწერის შემთხვევაში თქვენ იღებთ 4 ნომერს, რომელიც გამოწერის შემდეგ გამოიცემა. თუ ძველი ნომრების შეძენა გსურთ, მაშინ შეიძინეთ ინდივიდუალურად ჟურნალების გვერდიდან.
2.1. მიტანის საფასური
მიტანის ღირებულება თბილისის მასშტაბით 3 ლარია. რეგიონებში კი 5 ლარი.
2.2. პროდუქტის შეძენა საქართველოს ფარგლებს გარეთ
ინდიგოს პროდუქტების შეძენა შესაძლებელია საქართველოს ფარგლებს გარეთაც. ამისათვის საჭიროა მეილზე დაკავშირება info@indigo.com.ge, რადგან მიწოდების ტარიფი დაანგარიშდება ინდივიდუალურად ქვეყნისა და ქალაქის მიხედვით. ტრანსპორტირების ღირებულება მიეთითება ინვოისში, რომლის საფუძველზეც გადაიხდით პროდუქტის საფასურს.
3. პროდუქტის უკან დაბრუნების პოლიტიკა
პროდუქტის უკან დაბრუნება შესაძლებელია მისი მიღებიდან 1 კვირის მანძილზე, მხოლოდ იმ შემთხვევაში თუ პროდუქტი არაა გახსნილი, დაზიანებული ან გამოყენებული.
- პროდუქტის დასაბრუნებლად საჭიროა დაგვიკავშირდეთ მეილზე info@indigo.com.ge და განმარტოთ დაბრუნების საფუძველი.
- დაბრუნებისთვის საჭიროა ვებსაიტიდან გქონდეთ შეძენილი. ფიზიკურად ყიდვის შემთხვევაში კი წარმოადგინოთ ჩეკი
- თუ პროდუქტს აქვს ქარხნული წუნი ჩვენი გუნდი შეამოწმებს და 3-5 სამუშაო დღის შუალედში გაცნობებთ პასუხს.
- თუ განხილვის შემდეგ კომპანია მიიღებს პროდუქტის უკან დაბრუნების გადაწყვეტილებას, თქვენ გაქვთ უფლება, როგორც გადაცვალოთ პროდუქტი, ასევე დაიბრუნოთ უკან თანხა.
- თანხის უკან დაბრუნება მოხდება საბანკო გადარიცხვით 2-3 სამუშაო დღის შუალედში შემკვეთის კუთვნილ საბანკო ანგარიშზე.
