"მიკვირს, როგორ ვიყავით ასეთი გაბედულები"
14.04.2021
14 აპრილი ქართული ენის დღეა. ორმოცდასამი წლის წინ, თსუ-დან დაწყებული პროტესტის შედეგად, ქართულ ენას კონსტიტუციურად შეუნარჩუნდა სახელმწიფოებრივი სტატუსი. გამომცემლობა არტანუჯმა, ცოტა ხნის წინ, გამოსცა წიგნი: "1978 წლის 14 აპრილი: ზეპირი ისტორიები და სხვა მასალები", სადაც თავმოყრილია დემონსტრაციის მონაწილეებისა და თვითმხილველების მოგონებები და ფაქტობრივი მასალა. ჩვენ გამოვარჩიეთ რამდენიმე მნიშვნელოვანი ჩანაწერი ამ წიგნიდან და ლაშა ბაქრაძესთან ერთად გავიხსენეთ მოვლენების მიმდინარეობა მაშინ, 1978 წელის აპრილში.
