აქ და ახლა | სოფი ტურნონი

მე თბილისში ვარ, ჩემები პარიზში არიან. იანვარში ბევრმა დავირქვით შარლი, დღეს კიდევ უფრო ბევრი ვამბობთ, მე პარიზი ვარო. საფრთხე კი, რომელიც ბარბაროსთა მხრიდან ემუქრება კაცობრიობას, დღითი დღე იზრდება. 

როცა „ისლამური სახელმწიფოს” ფაშისტების პირველი მსხვერპლი მუსლიმები და სირიასა თუ ერაყში მცხოვრები უმცირესობების წარმომადგენლები გახდნენ, ვიფიქრეთ, რომ ჩვენს დასავლურ სამყაროს არაფერი ემუქრებოდა. გუშინ კი, ჩვენთან, ტერორისტულმა თავდასხმებმა იმსხვერპლა ჟურნალისტები, ებრაელები, პოლიციელები... ახლა მსხვერპლი სწორედ ჩვენ ვართ – თავისუფლების მოყვარე ეპიკურელები.   

და ხვალ? რას გავხდებით ტირილით, ტერორისტების დადანაშაულებითა და შიშით... სწრაფად უნდა გავაცნობიეროთ მემკვიდრეობა, რომელიც განმანათლებლებმა დაგვიტოვეს და საფრთხე, რომელიც ჩვენს მომავალს ემუქრება. უნდა ვიპოვოთ ბოროტების მარცვლები ჩვენსავე იდეებში, უნივერსალური რომ გვეგონა.  

„ისლამური სახელმწიფო“ ბოროტების განსახიერებაა, ისევე როგორც „ალ-ყაიდა“ და „ბოკო არამი“. ამ ნეოტოტალიტარული რეჟიმების საფარქვეშ მოქმედი ფარულ