საბავშვო საკითხავი | ინტერვიუ ანა აბაშიძესთან

ინტერვიუ ანა აბაშიძესთან

პარტნიორობა ადამიანის უფლებებისთვის (PHR)

ბავშვთა უფლებები თანამედროვე სამყაროს თემაა – მათი დაცვა ტრადიციად თითქმის არცერთ ქვეყანას არ აქვს. ეს კიდევ უფრო ახალი თემაა ჩვენს ქვეყანაში, სადაც არასდროს ყოფილა ბავშვი – უფლების მფლობელი, მის ინტერესებზე აქამდე არცერთი სისტემა არ ყოფილა ორიენტირებული – არც გამოძიება, არც ჯანდაცვა, არც სოციალური დაცვა, არც შრომითი სფერო და არც განათლება. განათლება ბავშვზე ორიენტირებული დღემდე არ არის. ის სრულიად სუბორდინაციული და ძირითადად ზრდასრულზე ორიენტირებულია – ანუ ყველაზე, ბავშვის გარდა. ერთხელ ვუსმინე პედაგოგს, რომელიც ბავშვის გადამეტებულ უფლებას მიიჩნევდა პრობლემად. ითხოვდა, რომ სახელმწიფოს მასწავლებელი ბავშვისგან დაეცვა. სასაცილოა, მაგრამ თან – კატასტროფულიც. გამოდის, რომ პედაგოგი ბავშვს ისე უყურებს, როგორც მოწინააღმდეგეს – ბავშვია მისი არაპროფესიონალიზმის აღმომჩენი, პრობლემის სარკე.

პრობლემა კი ისაა, რაც უმრავლესობას ჰგონი