საქართველო 1918-2018: 8 წელი და 8 ფოტო [QUIZ]
ქვიზი შედგენილია ინდიგოს მიერ გამოცემული ფოტოწიგნის „100 წელი 100 ფოტო“ მიხედვით - გამოცემა ეძღვნება საქართველოს პირველი დემოკრატიული რესპუბლიკის შექმნისა და დამოუკიდებლობის გამოცხადების 100 წლისთავს. წიგნში გამოქვეყნებული 100 ფოტო საქართველოს დამოუკიდებლობის, საბჭოთა და პოსტსაბჭოთა პერიოდის ასწლიან ისტორიას ჰყვება.
ქვიზის თითოეული ფოტო და შეკითხვა ჩვენი ქვეყნის ეპოქის გარდამტეხ მოვლენებს ეხება - კარგად დააკვირდით ფოტოებს, საქართველოსთვის საკვანძო თარიღებსა და ისტორიულ ფიგურებს, უპასუხეთ შეკითხვებს და გამოცადეთ თქვენი თავი საქართველოს ისტორიის 100-წლიანი მონაკვეთის ცოდნაში.
1926 წელს სტალინი ერთ-ერთი ჰიდროელექტროსადგურის მშენებლობის დასრულებას დაესწრო. 1927 წელს კი ლენინის ერთ-ერთი პირველი ძეგლიც იმავე ადგილზე დაიდგა. რომელ ჰესზეა საუბარი?
1936 წელს მოსკოვში ქართული კულტურის დღეებზე გადაღებული ფოტოზე რამდენიმე მოღვაწის სახე ლურჯი მელნითაა წაშლილი. რა ბედი ეწიათ მათ?
1975 წელს თბილისში აშენდა უჩვეულო არქიტექტურის შენობა. რომელი უწყება იყო განთავსებული თავდაპირველად ამ შენობაში?
1981 წლის 13 მაისს თბილისის „დინამომ“ ევროპის თასების მფლობელთა თასი მოიპოვა. ვინ გაიტანა გამარჯვების გოლი მატჩის დასრულებამდე სამი წუთით ადრე „კარლ ცაისის“ წინააღმდეგ?
1983 წელს ახალგაზრდების ჯგუფმა თვითმფრინავის გატაცება სცადა. ერთ-ერთი გამტაცებელი, გეგა კობახიძე, ამ დროს ცნობილ ფილმში თამაშობდა. სცენები ხელახლა გადაიღეს. რომელი ფილმის?
რა ერქვა უღელტეხილს, რომლის გავლითაც 1993 წლის სექტემბერში აფხაზეთის მოსახლეობის ნაწილმა კონფლიქტის ზონას თავი დააღწია?
1994 წელს თბილისში მოეწყო გამოფენა: „თუ მუჰამედი ვერ მიდის მთასთან, მაშინ მთა მიდის მუჰამედთან“. კონკრეტულად სად იყო გამოფენილი ოლეგ ტიმჩენკოს ფერწერული ტილოები?
აჭარაში 2004 წლის მაისში ასლან აბაშიძის ბრძანებით, დანარჩენ საქართველოსთან დამაკავშირებელი ხიდი ააფეთქეს. რომელ მდინარეზე გადიოდა ეს ხიდი?
საქართველო 1918-2018: 8 წელი და 8 ფოტო
0/0
