გამოიცანი ქართველი პოეტი სარითმო სიტყვებით [Quiz]
ქართული ლექსის სტრუქტურული თუ შინაარსობრივი ასპექტები ევროპული და აზიური კულტურული სივრცეების შერწყმით ყალიბდებოდა. თავდაპირველად ჭარბობდა აზიური პოეზიის გავლენა, რაც ქვეყნის პოლიტიკური რეალობით ადვილად აიხსნება, დროთა განმავლობაში კი გაჩნდა ინტერესი დასავლური ლირიკული მოტივების მიმართაც.
„გაფიზის ვარდი მე პრუდომის ჩავდე ვაზაში, ბესიკის ბაღში ვრგავ ბოდლერის ბოროტ ყვავილებს“ - ტიციან ტაბიძის ეს სტრიქონები საუკეთესოდ განმარტავს ქართული ლექსის გაორებას, აღმოსავლური და დასავლური პოეზიის შერწყმის პროცესს.
პოეტური ტექსტი შეიძლება იყოს რითმიანი, ურითმო ან - თავისუფალი. ისე გამოვიდა, რომ ქართული ლექსის ბუნებისთვის ერთი და იმავე ან მსგავსი ბგერების კანონზომიერი გამეორება აღმოჩნდა ყველაზე „მისაღები“ - კონვენციური ლექსი არის ისტორიულად ჩვენი პოეზიის წამყვანი ფორმა, თეთრი ლექსი და ვერლიბრი უფრო გვიანდელი მოვლენებია.
ქვიზი შედგენილია ქართველი პოეტების სტროფებზე, უფრო ზუსტად კი ამ სტროფებში არსებულ ბოლო-რითმებზე დაყრდნობით. გამოცადე შენი პოეტური მეხსიერება და ესთეტიკური აღქმის უნარი, გამოიცანი ქართველი პოეტი მხოლოდ და მხოლოდ მისი სარითმო სიტყვების მიხედვით.
