ჰედონისტური ტკბობა დაწუნებული საკვებით

ტრისტრამს 2012 წლის ზაფხულში ქუჩაში შევხვდი. სამსახურის მერე მე და ჩემი მეგობარი ტროტუარზე ვისხედით და ლუდს ვსვამდით, ასე იქცევა ისტ ლონდონის ყველაზე ჰიპსტერულ უბანში, ჰაკნიში ყველა, ვისაც დასვენება და განტვირთვა უნდა, შემთხვევითი ნაცნობობაც ბევრია. ამიტომ, როცა ტრისტამი მოგვიახლოვდა და სიგარეტი გვთხოვა, არ გვიფიქრია, რომ ვიღაც აგვეკიდა – როგორც წინათ თბილისში ვიფიქრებდი. ამიტომ ორი გავუწოდე. პატარა სულელური გამოლაპარაკების შემდეგ, თქვა, რომ გარემოს დამცველი აქტივისტია.

გარემოს დამცველი აქტივისტები, ვისაც მანამდე საქართველოდან ვიცნობდი, ხეების გაჩეხვის ან ჰიდროელექტროსადგურის აშენების წინააღმდეგ იბრძოდნენ, ტრისტრამი კი ნარჩენი საკვების დამცველი აღმოჩნდა. მაშინ ზუსტად ვერ მივხვდი, რა კავშირი შეიძლებოდა ჰქონოდა საკვების გადარჩენას გარემოს გადარჩენასთან, მაგრამ სწორედ ამ ჩემთვის ბუნდოვანი სახელწოდების გამო, სიმპათიურ უცნობთან ჩვეულებრივი ნაცნობობა არაჩვეულებრივი გახდა.

იმდენად ამეკვიატა ეს გაუგებარი ტერმინი, რომ კვლევა დავიწყე.

„ფრიგანებს“ უკვე ვიცნობდ