სექსი ოღონდ ზომიერად

იმის გამო, რომ სხეულებრივი მოთხოვნილებები თავისას შვრებოდა, ინტელექტუალურ თავმოყვარეობაშელახულმა პლოტინმა თქვა, მრცხვენია, რომ სხეული მაქვსო. 

მეორე ფილოსოფოსმა ორიგენემ კი, სექსუალურ ცდუნებებს რომ არ ემძლავრა მასზე, სულაც, კასტრაცია ჩაიტარა და ნაფერებ-ნალოლიავები კვერცხები ხელის ერთი მოსმით წაიჭრა.

არც მეთექვსმეტე საუკუნის რუსეთი ყოფილა ამ მხრივ გამონაკლისი, სადაც ანტისექსუალურმა კამპანიამ რიტუალური ფორმა მიიღო. რუსული მართლმადიდებელი ეკლესიის წიაღში გაჩნდნენ ე.წ. სკოპცები, რომელთაც ქრისტეს გზაზე შესადგომად რიტუალური თვითდაყვერვა აირჩიეს.

რთული სათქმელია, ქრისტესთან მისაახლოებლად საჭურისობა რამდენად ახლო გზაა. ფაქტი ისაა, რომ სექსის დემონიზაცია დღეს არ დაწყებულა და, სავარაუდოდ, არც დღეს დამთავრდება.

მას შემდეგ, რაც მსოფლიოს სახელმწიფოების დიდი ნაწილი გახდა სეკულარული და, შესაბამისად, დაკარგა ადამიანის სულზე დომინაცია, ის ებღაუჭება დომინაციის უკანასკნელ შანსს – სხეულს. ამიტომ ცდილობს ასე სასოწარკვეთით სახელმწიფო, რო