სახალხო ეთერი | გიორგი ჭანტურია, თათია დვალი, ეკა წოწორია

„საზოგადოებრივი მაუწყებლის ხელმძღვანელობა ცდილობდა, ველში პოლიტიკური პარტიები შემოეყვანათ და გვეუბნებოდნენ, რომ დროს დაუთმობდნენ ოპოზიციას. პოლიტიკოსის ეთერი ხალხის ეთერი არ არის და ჩვენ გვჭირდება სახალხო ეთერი.“

გიორგი ჭანტურია, განათლების მკვლევარი;
თათია დვალი, ანთროპოლოგი;
ეკა წოწორია, კინომცოდნე & რეჟისორი

2024 წლის ნოემბრის ბოლოს დაწყებული პროევროპული პროტესტის პარალელურად, საპროტესტო აქციები იმართება საზოგადოებრივი მაუწყებლის შენობასთანაც - აქციის მონაწილეების მთავარი მოთხოვნაა, პირველმა არხმა ობიექტურად გააშუქოს მიმდინარე მოვლენები, მეტი საეთერო დრო დაეთმოთ პროტესტის მონაწილეებს, ღიად და თავისუფლად ისმოდეს საზოგადოების ხმა.

პროტესტის მონაწილეები მიიჩნევენ, რომ რადგან საზოგადოებრივი მაუწყებელი არ ემსახურება ხალხს, თანამდებობიდან უნდა გადადგნენ გენერალური დირექტორი - თინათინ ბერძენიშვილი და სამეურვეო საბჭოს თავმჯდომარე - ვასილ მაღლაფერიძე.