სახლი, რომელიც სიზმარში დარჩა | ანნა ძიაპშიპა

კობალაძეების ოჯახმა ცხინვალი 1991 წლის ომის დროს დატოვა. იქ დარჩა მათი დიდი სახლიც. ვიდეოში თამარ და ლენა კობალაძე დამწვარი სახლის რეკონსტრუქციას იწყებენ. ფოტოების გარეშე დარჩენილი ოჯახი შვილიშვილებისთვის სახლის იმ ვერსიის ჩვენებას ცდილობს, რომელსაც მათი მეხსიერება ინახავს, თუმცა როგორც ჩანს, საკმაოდ განსხვავებულად.

პროექტი „მეხსიერების გაცოცხლება“ ქართულ-ოსური კონფლიქტის გარშემო მეხსიერებას იკვლევს. უკვე შეგროვდა ასამდე ზეპირი ისტორია. ეს ცალკეული ტექსტებისაგან შემდგარი ნარატივი ერთ სივრცეში კრავს ერთმანეთის გამომრიცხავ რეალობებს და კონფლიქტის ორივე მხარეს, ერთი, ისტორიული ეპიზოდის აღდგენას, ამ პერიოდის ფრაგმენტების გამთლიანებას ცდილობს.

აღნიშნულ თემაზე: #სამხრეთ ოსეთი #მეხსიერების გაცოცხლება, შექმნილია ინდიგოს დახურული ჯგუფი, რომელიც აერთიანებს ქართულ-ოსური კონფლიქტებით დაინტერესებულ ადამიანებს. ჯგუფში გაწევრიანებისთვის იხილეთ ბმული აქ