არაბენეფიციარი | საუბარი მადინა ტლოსტანოვასთან
19.09.2022 | 12 წუთიანი საკითხავი
„ისწავლო, როგორ დაივიწყო ნასწავლი, რათა ხელახლა შეძლო სწავლა“
მადინა ტლოსტანოვა - დეკოლონიალისტი მოაზროვნე და მწერალი, ლინჩეპინგის უნივერსიტეტის (შვედეთი) თემატური (გენდერული) კვლევების ფაკულტეტის პოსტკოლონიური ფემინიზმის პროფესორი
„…ზოგი დეკოლონიალისტი თეორეტიკოსი იმთავითვე მარქსისტულ საწყისებზე დგას და საბჭოთა კავშირს არ აღიქვამს კოლონიურ იმპერიად. სხვანი რუსეთსა და საბჭოთა კავშირს მიიჩნევენ ნახევრადპერიფერიულ ზონებად, დაუდგენელი ფორმებით, ანდა კოლონიურ სივრცედ, რომელიც შეიძლება შევადაროთ ინდოეთსა და ლათინურ ამერიკას, მაგრამ არა ბრიტანეთს ან ესპანეთს.
... ასე დავიწყე გარე იმპერიული განსხვავებულობის (Dainotto, 2000) კვლევა. საპირისპიროდ, არსებობს შიდა იმპერიული განსხვავებულობაც, რომლის გამოვლინებაა სამხრეთ ევროპა, ცოდნის, არსებობის, აღქმისა და სქესის კოლონიურობის თავისეული ვერსიებით. მას აქვს ორიენტალიზმის, ევროცენტრიზმისა და ფსიქოლოგიური თუ კულტურული დაქვემდებარების საკუთარი ფორმები ‒ ისიც მეორეული და დამახინჯებული.
