ინტერვიუ ნანა ექვთიმიშვილთან

ინდიგო: ნანა, გერმანული გამომცემლობა „ზურკამპი“ მომავალ წელს შენს რომანს „მსხლების მინდორს“ გამოსცემს. როგორ გიპოვა გამომცემლობამ, რომლის პირველი ქართველი ავტორიც იქნები? 
ნანა ექვთიმიშვილი: „ზურკამპის“ რედაქტორმა, რომელიც გამომცემლობაში აღმოსავლეთ ევროპის თანამედროვე მხატვრულ ლიტერატურას კურირებს, გერმანიაში, კინოთეატრში, „გრძელი ნათელი დღეები“ ნახა და მოეწონა. მერე გაიგო, რომ რომანი დავწერე, რომლის გამოცემა საქართველოში იგეგმებოდა და დაინტერესდა.

ინდიგო: ხომ არ გგონია, რომ „მსხლების მინდორი“, რომელშიც ძალიან სპეციფიკური რეალობაა აღწერილი, მხოლოდ პოსტსაბჭოთა საქართველოსთვის არის მნიშვნელოვანი?
ნ.ე.: მე მგონია, რომ პოსტსაბჭოთა სინამდვილე მარტო ქართული ან პოსტსაბჭოთა სივრცის სინამდვილე არ არის, ეს არის ისტორიის ზოგადი საკუთრება და გამოცდილება. არცერთი ქვეყნისათვის არ უნდა იყოს უცხო, თუ რა მოსდით ადამიანებს ტოტალიტარული რეჟიმის დროს, ან მისი ნგრევის შემდეგ. ანდა რა არის, მაგალითად, საბჭოთა ან პო